ورالدا جاڭادان 926 ورىندىق مەدەنيەت سارايى بوي كٶتەرۋدە, دەپ حابارلايدى "ۇلت اقپارات".
وبلىس ەكٸمٸ عالي ەسقاليەۆ شاھاردا جاڭادان سالىنىپ جاتقان بٸرقاتار نىساندار, سونىڭ ٸشٸندە مەدەنيەت سارايىنىڭ قۇرىلىسىمەن تانىستى.
وبلىستىق مەدەنيەت باسقارماسىنىڭ باسشىسى سايران دٷيسەنتەگٸنٸڭ ايتۋىنشا, مەدەنيەت سارايى تۇڭعىش پرەزيدەنت الاڭى جانىندا قالاعا ەرەكشە كٶرٸك بەرمەك. قادىر مىرزا ەلي اتىنداعى وبلىستىق مەدەنيەت جەنە ٶنەر ورتالىعى دا وسى جەردە.
ٷش قاباتتى مەدەنيەت سارايى پايدالانۋعا بەرٸلگەن كەزدە شەتەلدٸك, سونداي-اق ەلٸمٸزدەگٸ بەلگٸلٸ ەنشٸلەر كەلٸپ, كونتسەرت بەرۋٸنە مٷمكٸندٸك تۋادى. كٶپبەيٸندٸ مەدەنيەت سارايىندا وبلىس ەكٸمٸنٸڭ ەسترادالىق-سيمفونييالىق وركەسترٸ, جاستار مۋزىكا تەاترى, بيشٸلەر, ەتنوگرافييالىق-فولكلورلىق, ۆوكالدى اسپاپتار انسامبلدەرٸ, سۋرەتتەر گالەرەياسى جەنە باسقا ٶنەر ۇجىمدارى ورنالاسادى. اكۋستيكا, دىبىس, جارىق اپپاراتۋرالارى ەۋروپالىق تالاپتارعا ساي بولماق.
كٶرەرمەندەرگە ارنالعان 926 ورىننىڭ 120-سى بالكوندا بولماق. ساحنانىڭ ٶزٸندٸك ەرەكشەلٸكتەرٸ بار. ياعني وركەستر قاجەت بولعاندا, ساحنا كٶتەرٸلەدٸ. وركەستر تٶمەندە بولادى.
ٶڭٸر باسشىسى مەردٸگەر مەكەمە «التاير» جشس-عا الداعى جىلى مەرەگە جەتەتٸن قۇرىلىستى ساپالى بٸتٸرۋدٸ تاپسىردى. سونىمەن قاتار جاڭا مەدەنيەت سارايىنا جاڭا ات ويلاۋ كەرەكتٸگٸ دە ايتىلدى.
وسىعان وراي دەستٷرلٸ ەنشٸ ەرنار ٶمٸرەلٸ, اقىن, قازاقستان جازۋشىلار وداعىنىڭ مٷشەسٸ داريعا مۇشتانوۆا فەيسبۋكتەگٸ پاراقشالارىندا مەدەنيەت سارايىن ٷش جٷزگە ەن وزدىرعان اتاقتى ەنشٸ مۇحيت مەرەلٸۇلىنىڭ قۇرمەتٸنە «سال مۇحيت سارايى» دەپ اتاۋدى ۇسىندى. كەلەر جىلى مۇحيت مەرەلٸۇلىنىڭ 180 جىلدىعى اتالىپ ٶتٸلەتٸن بولادى.
