Politseiler 72 jastaǵy zeinetker óli tabylǵan úi mańynda túsirilgen videony jariialady. Tártip saqshylary málimetinshe, ondaǵy belgisiz áieldiń qylmysqa qatysy bolýy múmkin, - dep habarlaidy Tengrinews.kz.
Politsiia departamenti 9 naýryzda keshke Zachagansk aýylynda pyshaq jaraqatyn alǵan 72 jastaǵy áiel óli tabylǵanyn atap ótti.
"Derekke qatysty Qylmystyq kodekstiń 99-baby 1-bóligi "Adam óltirý" boiynsha sotaldy tergeý bastaldy. Kúdiktini izdeý boiynsha barlyq shara júrgizilip jatyr. Ol - 35-45 jas shamasyndaǵy bir aiaǵyn syltyp basatyn áiel. Ony tanyǵandar bolsa, quqyq qorǵaý organdaryna habarlasýdy suraimyz", - dedi BQO PD kriminaldyq politsiia basqarmasynyń bastyǵy Sultan Shaldarbekov.
Politsiia anonimdilikke kepildik beriletinin habarlady.
Eske salaiyq, oqiǵa kezinde áiel jekemenshik úide jalǵyz bolǵan. Marqumnyń syrǵasy, neke júzigi joǵalǵan. Úidegi qalǵan zattar ornynda bolǵan.
