Oral qalasynda urlanǵan avtokólik Reseidiń Samara qalasynan tabyldy. Bul týraly QR Ishki ister ministrliginiń resmi ókili Nurdildá Oraz aityp berdi, dep habarlaidy "Ult aqparat".
«19 jeltoqsanǵa qaraǵan túni Oral qalasynda Á.Moldaǵulova kóshesindegi úidiń aýlasynan belgisiz bireýler quny 3,5 million teńge turatyn «Nisan Mýrano» markaly avtokóligin urlap ketken. Qylmysty ashý maqsatynda oblystyq politsiia departamentiniń jedel-tergeý toby quryldy.
Batysqazaqstandyq tártip saqshylary Resei Federatsiiasynyń politsiia qyzmetkerlerimen birge urlanǵan kólikti bir táýlik ishinde kórshi eldiń Samara qalasynan tapty. Kúdiktilerdi anyqtaý boiynsha sotqa deiingi tergeý júrip jatyr», - dedi Nurdildá Oraz ministrlikte ótken onlain brifingte.
Buǵan deiin N. Oraz Shymkentte kireberiste áiel zorlamaq bolǵan kúdiktiniń ustalǵanyn habarlaǵan edi.
Resmi ókildiń aitýynsha, ótken aptada jalpy sany 2921 qylmys tirkeldi. Politseilerdiń jedel áreket etýi nátijesinde 1938 qylmys izi sýymai ashyldy. Onyń ishinde 5 adam óltirý, 34 tonaý men qaraqshylyq, 501 urlyq faktileri áshkere bolǵan.
