ورال قالاسىندا ۇرلانعان اۆتوكٶلٸك رەسەيدٸڭ سامارا قالاسىنان تابىلدى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتىپ بەردٸ, دەپ حابارلايدى "ۇلت اقپارات".
«19 جەلتوقسانعا قاراعان تٷنٸ ورال قالاسىندا ە.مولداعۇلوۆا كٶشەسٸندەگٸ ٷيدٸڭ اۋلاسىنان بەلگٸسٸز بٸرەۋلەر قۇنى 3,5 ميلليون تەڭگە تۇراتىن «نيسان مۋرانو» ماركالى اۆتوكٶلٸگٸن ۇرلاپ كەتكەن. قىلمىستى اشۋ ماقساتىندا وبلىستىق پوليتسييا دەپارتامەنتٸنٸڭ جەدەل-تەرگەۋ توبى قۇرىلدى.
باتىسقازاقستاندىق تەرتٸپ ساقشىلارى رەسەي فەدەراتسيياسىنىڭ پوليتسييا قىزمەتكەرلەرٸمەن بٸرگە ۇرلانعان كٶلٸكتٸ بٸر تەۋلٸك ٸشٸندە كٶرشٸ ەلدٸڭ سامارا قالاسىنان تاپتى. كٷدٸكتٸلەردٸ انىقتاۋ بويىنشا سوتقا دەيٸنگٸ تەرگەۋ جٷرٸپ جاتىر», - دەدٸ نۇردٸلدە وراز مينيسترلٸكتە ٶتكەن ونلاين بريفينگتە.
بۇعان دەيٸن ن. وراز شىمكەنتتە كٸرەبەرٸستە ەيەل زورلاماق بولعان كٷدٸكتٸنٸڭ ۇستالعانىن حابارلاعان ەدٸ.
رەسمي ٶكٸلدٸڭ ايتۋىنشا, ٶتكەن اپتادا جالپى سانى 2921 قىلمىس تٸركەلدٸ. پوليتسەيلەردٸڭ جەدەل ەرەكەت ەتۋٸ نەتيجەسٸندە 1938 قىلمىس ٸزٸ سۋىماي اشىلدى. ونىڭ ٸشٸندە 5 ادام ٶلتٸرۋ, 34 توناۋ مەن قاراقشىلىق, 501 ۇرلىق فاكتٸلەرٸ ەشكەرە بولعان.
