Oralda turǵyn úidegi órt ornynan er adamnyń máiiti tabyldy, dep habarlaidy "Ult aqparat".
BQO Tótenshe jaǵdailar departamenti memlekettik órt baqylaý basqarmasynyń aǵa injeneri Saǵdat Ánestiń málim etkenindei, oqiǵa 20 jeltoqsan kúni saǵat 01.29-da «Parýs» saiajai qoǵamy Krasivaia kóshesi, 34 mekenjaiynda boldy.
Aýmaǵy 20 sharshy metrdi quraityn turǵyn úidiń tóbesi men qabyrǵalary qulap, túgel órtenip ketken.
Saǵat 02.48-de órt tolyqtai sóndirildi. Oqiǵa ornynan er adamnyń múrdesi tabyldy.
Qutqarýshylar úiden 27 litrlik gaz ballonyn alyp shyqty.
Órttiń sebebi anyqtalý ústinde.
Oqiǵa ornyna TJ departamentiniń qyzmetkerleri (8 adam, 3 tehnika) jáne jedel tergeý toby (5 adam, 2 tehnika) bardy.
Oblystyq Densaýlyq saqtaý basqarmasynyń baspasóz qyzmetinen naqtylaǵandai, jedel járdem saǵat 01.33-te shaqyrtylǵan. 40 jastaǵy er adam meditsina mamandary kelgenge deiin mert boldy.
