Oral qalasynda Taraz turǵyny 20 kg keptirilgen marihýana jáne 1 kelidei gashishpen ustaldy, dep habarlaidy "Ult aqparat".
BQO politsiia departamenti esirtki biznesine qarsy is-qimyl basqarmasynyń bastyǵy, politsiia podpolkovnigi Álisher Sarynyń málim etkenindei, oqiǵa 7 sáýir kúni Zachagan kentinde «Pýtnik» kafesi mańynda boldy.
Saǵat 22.47-de atalmysh basqarma qyzmetkerleri Shymkent- Oral baǵytynda júretin avtobýstyń jolaýshysy M-ny qolǵa túsirdi. Tintý barysynda odan eki jol sómkesi alyndy.
Kúdikti asa iri kólemde esirtkini Oralǵa tasymaldap, ótkizbek bolǵan.
Á.Sarynyń sózine qaraǵanda, saraptama qorytyndysyna sáikes jalpy salmaǵy 20 kg keptirilgen marihýana jáne 1 kelidei gashish tárkilendi.
Qazirgi ýaqytta kúdikti ýaqytsha ustaý izoliatoryna qamalyp, QR QK 296-baby 4-bóligine (asa iri mólsherde esirtkini saqtaýjáne tasymaldaý) sáikes sotqa deiingi tergeý amaldary júrgizilýde.
«Ol budan buryn da osyndai qylmystary úshin jaýapkershilikke tartylǵan. Qazirgi kezde esirtkini ótkizý jolyn jáne buǵan qatysy barlardy anyqtaý úshin keshendi sharalar júrgizilýde», dedi Á. Sary.
