Oralda mamandandyrylǵan ákimshilik sot 42 jastaǵy Qanat Janǵalievke qatysty úkim shyǵardy. Olimpiadalyq rezervtegi sport mektep-internatynyń direktory kólikti mas kúide júrgizgeni úshin ustalǵan, - dep habarlaidy Tengrinews.kz.
BQO oblystyq sotynyń baspasóz qyzmeti málimetinshe, 17 naýryzda tańǵy 05.00-ter shamasynda sport mektebiniń direktory qyzmettik kólikti mas kúide júrgizgen. Sot-meditsinalyq saraptamasy intoksikatsiianyń ortasha dárejesin anyqtaǵan. Qanat Janǵaliev óz kinásin moiyndady.
"Sot Qanat Janǵalievti QR ÁQBtK-niń 608-baby "Júrgizýshiniń kólik quralyn alkogoldik masań kúide basqarýy" boiynsha kináli dep tanyp, 15 táýlikke ákimshilik qamaqqa alý jáne jeti jylǵa kólik quraldaryn basqarý quqyǵynan aiyrý jazasyn taǵaiyndady", - dedi sot ókilderi.
