Batys Qazaqstan oblysynda MKD ETQ Qarjylyq saladaǵy quqyq buzýshylyqtardy tergeý basqarmasynyń zańsyz uiymdardy tergeý bóliminiń jetekshisi ustaldy, - dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosyna silteme jasap.
"13 shildede Sybailas jemqorlyqqa qarsy is-qimyl ulttyq biýrosynyń Batys Qazaqstan oblysy boiynsha departamentiniń qyzmetkerleri jalǵan kásipkerlik boiynsha qylmystyq isti toqtatý jáne ary qarai qoldaý kórseti úshin 25 million teńge kóleminde - paranyń sońǵy bóligin alý kezinde BQO boiynsha MKD ETQ Qarjylyq saladaǵy quqyq buzýshylyqtardy tergeý basqarmasynyń zańsyz uiymdardy tergeý bóliminiń jetekshisi N. Ýrnaliev ustady", - delingen habarlamada.
Ulttyq biýronyń baspasóz qyzmetiniń málimeti boiynsha, paranyń jalpy kólemi 101 million teńge bolǵan.
Qazirgi kezde kúdikti Oral qalasy IID-niń ýaqytsha ustaý abaqtysyna qamaldy. Sotqa deiingi tergeý júrip jatyr.
