Oral qalasynda praimerizdiń ekinshi kezeńine «Nur Otan» partiiasynan úmitkerler irikteldi, dep habarlaidy "Ult aqparat".
Praimerizdiń ekinshi kezeńine depýtattardy irikteý maqsatynda «Nur Otan» partiiasy Oral qalalyq filialynyń XXVIII konferentsiiasy ótti.
Qalalyq partiia filialynyń tóraǵasy Abat Shynybekov konferentsiianyń kún tártibimen tanystyryp, praimerizdiń alǵashqy kezeńinde turǵyndardan túsken usynys-ótinishter negizinde jasalǵan Oral qalalyq filalynyń sailaýaldy baǵdarlamasyn bekitti. Sondai-aq, konferentsiia barysynda praimeriz debattary arqyly úmitkerlerge daýys berý týraly, Oral qalalyq máslihatynyń depýtattaryn sailaý úshin jetekshi partiiadan partiialyq tizimniń bekitilýi týraly jáne oblystyq konferentsiiaǵa delegattar tizimin usyný týraly aqparattar tyńdaldy.
Kezekten tys qalalyq konferentsiianyń jalǵasy praimerizdiń ekinshi kezeńine ótken qatysýshylar arasyndaǵy jariia pikirtalastarmen jalǵasty.
Oral qalasy boiynsha praimerizdiń ekinshi kezeńine 44 úmitker ótti. Onyń ishinde 7 úmitker partiianyń qalalyq filialy tóraǵasynyń kvotasy, qalǵan 37 úmitker jinaǵan upai reitingileri boiynsha sailandy. Qalalyq máslihatta sailaýshylardyń kóbeiýine bailanysty mandattar sany 22-ge jetti.
Úmitkerlerdiń ótinish-pikirleri men olardyń reitingtik upailaryn eskere otyryp, partiianyń qalalyq filialy saiasi keńesi biýrosynyń otyrysynda ashyq pikirtalasqa 24 qatysýshy anyqtaldy. Daýys berý qorytyndysy boiynsha ótken jariia debatqa qatysýshy 24 úmitkerdiń 12-si oblystyq partiialyq tizimge engizilse, qalǵan 12-si qalalyq partiialyq tizimde qaldy.
Oblystyq máslihattaǵy partiialyq tizimder men Májilistegi partiialyq tizimge úmitkerlerdi anyqtaityn «Nur Otan» partiiasynyń aimaqtyq konferentsiiasy 17 qarasha kúni ótedi.
Jalpy, óńirdegi partiiaishilik irikteýdiń ekinshi kezeńine ótken 44 úmitkerdiń 17-si - áielder, 9-y - 35 jasqa deiingi jastar jáne ekeýi - múmkindigi shekteýli jandar. Sonymen qatar, praimerizdiń ekinshi kezeńine qatysýshy úmitkerlerdiń qyzmet etý salasy da ár túrli. Olardyń ishinde eń kóbi kásipkerler men bilim salasynyń mamandary bolyp tabylady.
Eske sala ketsek, praimerizdiń alǵashqy kezeńinde Batys Qazaqstan oblysy boiynsha 460 úmitker qatysýǵa ótinim bergen bolatyn. Olardyń 155-i áielder (36,8%), 144-i 35 jasqa deiingi jastar (34,2%) boldy. Daýys berýdiń tórt kúninde partiianyń BQO filialy boiynsha músheleriniń 22 903-i, iaǵni 85 paiyzy daýys berýge belsendi qatysqan bolatyn. Partiia músheleriniń kópshiligi onlain júiesinde daýys berdi. 18 390 adam sailaý ýchaskelerindegi uialy telefondar men kompiýterler arqyly, al 4513-i qaǵaz biýlletenderimen daýys bergen edi.
