© zhaikpress.kz
Oralda para aldy degen kúdikpen qalalyq kóshi-qon politsiiasy bóliminiń bastyǵy Qanat Muqanov ustaldy. Ustaý deregin oblystyń sybailas jemqorlyqqa qarsy qyzmeti rastady, - dep habarlaidy Tengrinews.kz tilshisi "Ýralskaia nedelia" basylymyna silteme jasap.
Aldyn ala málimet boiynsha, Muqanov dúisenbi, sáýirdiń 11-i kúni 50 000 teńge kóleminde para alyp jatqan jerinde ustalǵan. Podpolkovnik anyqtamany jedeldetip bergeni úshin aqsha aldy degen kúdikke ilindi. Qazir ol Oral qalasyndaǵy ýaqytsha ustaý izoliatorynda otyr.
Politsiia departamenti basylymǵa áriptesiniń ustalýyna qatysty pikir aita almaityndaryn aityp, BQO boiynsha sybailas jemqorlyqqa qarsy kúres departamentine habarlasýdy surady.
Sybailas jemqorlyqqa qarsy qyzmet Muqanovtyń ustalǵanyn rastady, oqiǵanyń jai-japsaryn aityp málimet bermedi.
BQO sotynyń baspasóz qyzmeti bul is materialdary tergeý sotyna áli túspegenin habarlady.
