Oralda politseilerden qashqan er adam óziniń tamaǵyn tilip jibergen, dep habarlaidy "Ult aqparat".
Oqiǵa búgin «Nur Otan» partiiasy oblystyq filialy ǵimaratynyń janynda boldy.
BQO politsiia departamenti bastyǵynyń birinshi orynbasary Janbolat Janshinniń aitýynsha, 27 mamyr kúni saǵat 09.26-da 1989 jylǵy turǵyn túnde belgisiz bireýlerdiń Q.Amanjolov kóshesi boiyndaǵy aýladan «Kia Sportage» avtokóligin aidap ketkeni jóninde habarlaǵan.
Habar túsken boida «Tosqaýyl» jospary jariialanyp, avtokólikti izdeýge Oral qalasy politsiia basqarmasynyń jeke quramy jumyldyryldy.
Saǵat 12.25-te avtokóliktiń J.Dosmuhamedov kóshesi boiyndaǵy jeke úidiń aýlasynda turǵany anyqtaldy.
Aýladaǵy eki er adamnyń bireýi ustalyp, ekinshisi politsiia qyzmetkerlerinen qashqan. Qashyp bara jatyp, óziniń tamaǵyn tilip jibergen.
Politseilerdiń jedel is-qimyly arqasynda ol ustalyp, jedel járdem de ýaqtyly shaqyryldy. Osylaisha quqyq buzýshynyń ózine aýyr jaraqat keltirýine jol berilgen joq.
Bastapqy meditsinalyq kómek kórsetilgennen keiin er adam politsiia qyzmetkerlerine berildi.
Qazirgi kezde oqiǵanyń jai-japsary anyqtalý ústinde.
