ورالدا پوليتسەيلەردەن قاشقان ەر ادام ٶزٸنٸڭ تاماعىن تٸلٸپ جٸبەرگەن, دەپ حابارلايدى "ۇلت اقپارات".
وقيعا بٷگٸن «Nur Otan» پارتيياسى وبلىستىق فيليالى عيماراتىنىڭ جانىندا بولدى.
بقو پوليتسييا دەپارتامەنتٸ باستىعىنىڭ بٸرٸنشٸ ورىنباسارى جانبولات جانشيننٸڭ ايتۋىنشا, 27 مامىر كٷنٸ ساعات 09.26-دا 1989 جىلعى تۇرعىن تٷندە بەلگٸسٸز بٸرەۋلەردٸڭ ق.امانجولوۆ كٶشەسٸ بويىنداعى اۋلادان «Kia Sportage» اۆتوكٶلٸگٸن ايداپ كەتكەنٸ جٶنٸندە حابارلاعان.
حابار تٷسكەن بويدا «توسقاۋىل» جوسپارى جارييالانىپ, اۆتوكٶلٸكتٸ ٸزدەۋگە ورال قالاسى پوليتسييا باسقارماسىنىڭ جەكە قۇرامى جۇمىلدىرىلدى.
ساعات 12.25-تە اۆتوكٶلٸكتٸڭ ج.دوسمۇحامەدوۆ كٶشەسٸ بويىنداعى جەكە ٷيدٸڭ اۋلاسىندا تۇرعانى انىقتالدى.
اۋلاداعى ەكٸ ەر ادامنىڭ بٸرەۋٸ ۇستالىپ, ەكٸنشٸسٸ پوليتسييا قىزمەتكەرلەرٸنەن قاشقان. قاشىپ بارا جاتىپ, ٶزٸنٸڭ تاماعىن تٸلٸپ جٸبەرگەن.
پوليتسەيلەردٸڭ جەدەل ٸس-قيمىلى ارقاسىندا ول ۇستالىپ, جەدەل جەردەم دە ۋاقتىلى شاقىرىلدى. وسىلايشا قۇقىق بۇزۋشىنىڭ ٶزٸنە اۋىر جاراقات كەلتٸرۋٸنە جول بەرٸلگەن جوق.
باستاپقى مەديتسينالىق كٶمەك كٶرسەتٸلگەننەن كەيٸن ەر ادام پوليتسييا قىزمەتكەرلەرٸنە بەرٸلدٸ.
قازٸرگٸ كەزدە وقيعانىڭ جاي-جاپسارى انىقتالۋ ٷستٸندە.
