Oralda jolaýshy qyzdy zorlaǵan taksi júrgizýshisi men onyń tanysy sottaldy, dep habarlaidy QazAqparat.
Oral qalalyq sotynyń baspasóz qyzmetinen málim etkenindei, Q. jáne P. QR QK 120-baby 2-bóligine sáikes (aldyn ala sóz bailasý arqyly adamdar toby jasaǵan zorlaý) aiypty dep tanyldy.
Olardyń árqaisysy 8 jylǵa bas bostandyǵynan aiyrý jazasyn qaýipsizdigi ortasha qylmystyq-atqarý júiesi mekemesinde óteýge sottaldy.
Sotta anyqtalǵanyndai, oqiǵa ótken jyly 8 tamyzǵa qaraǵan túni boldy. «Indraiver» qosymshasy boiynsha taksi shaqyrǵan 26 jastaǵy stýdent qyzǵa kelgen avtokólikte júrgizýshimen birge jolaýshy bolǵan. Júrgizýshi jolshybai avtokólik esigin bekitip tastap, qyzdy qala syrtyna alyp shyǵyp, kezektesip zorlaǵan. Sosyn qus fabrikasy aýdanyndaǵy úige ákelip, zorlaýdy jalǵastyrǵan. Tańmen júrgizýshi qyzdy jaldap turatyn páterine ákelip tastaǵan.
Keiin qyz politsiiaǵa júginip, 24 tamyzda kúdiktiler ustaldy. Olar Oral qalasynyń 31 jáne 29 jastaǵy turǵyndary bolyp shyqty. Ekeýi de úilengen, balalary bar.
Aiyptalýshylardyń kinálary jábirlenýshiniń, kýágerlerdiń sotqa bergen jaýaptarymen, oqiǵa ornyn qaraý kezindegi hattamamen, saraptama qorytyndylarymen dáleldendi.
Sot úkimi kúshine engen joq.
