Foto: Pexels.com
Oral qalasynda kúieýiniń intimdik sýretin qyzǵanyshtan jelige taratyp jibergen áiel sottaldy, dep habarlaidy Ult.kz Batys Qazaqstan oblysynyń prokýratýrasyna silteme jasap.
Prokýrorlyq málimetterge sáikes, áieldiń kinási sotta tolyq dáleldenip, "jeke ómirge qol suǵylmaýshylyqty buzǵany" jáne derbes derekterdi zańsyz taratqany úshin 3 jylǵa bas bostandyǵynan aiyryldy.
Sonymen qatar, prokýratýra osyndai taǵy bir is boiynsha azamat I.-diń de áieliniń jeke sýretin taratqany úshin dál osyndai jazaǵa tartylǵanyn atap ótti. Zańsyz túrde jeke málimetterdi taratý adamǵa moraldyq ziian keltirýmen qatar, 6 jylǵa deiin bas bostandyǵynan aiyrýǵa deiingi qylmystyq jaýapkershilikke ákelýi múmkin ekenin eske saldy.
Buǵan deiin jýrnalist Dana Nurjigit burynǵy kúieýiniń stalkingi men qýdalaýyna qalai qarsy turǵanyn aityp bergen edi.
