Foto: ashyq derekkóz
Oqiǵa Oral qalasynyń Zachagansk kentinde boldy. 1997 jyly týǵan áiel saýsaǵyndaǵy saqinany sheshe almaǵan. Nátijesinde saýsaǵy isip, TJM qyzmetkerleriniń kómegine júgindi, dep habarlaidy Ult.kz.
Tótenshe jaǵdailar ministrliginiń jedel-qutqarý jasaǵy shaqyrtýǵa jyldam keldi. Qutqarýshylar arnaiy qural – bolgarkanyń kómegimen saqinany qysqa ýaqyt ishinde kesip, isingen saýsaqtan alyp tastady.
Qutqarýshylar áieldiń saýsaǵyn kesip almas úshin saqinanyń tómengi jaǵyna plastik saldy. Saqina qyzyǵandyqtan, ony sýmen sýytty. Sondai-aq kásibi qutqarýshylar ýaiymdaǵan qyzdy tynyshtandyryp, qoldaý kórsetti.
Qutqarýshylar turǵyndarǵa kez kelgen tótenshe jaǵdai týyndaǵanda 112 nómirine habarlasýdy eskertedi. Olar árdaiym kómek kórsetýge daiyn.
