فوتو: اشىق دەرەككٶز
وقيعا ورال قالاسىنىڭ زاچاگانسك كەنتٸندە بولدى. 1997 جىلى تۋعان ەيەل ساۋساعىنداعى ساقينانى شەشە الماعان. نەتيجەسٸندە ساۋساعى ٸسٸپ, تجم قىزمەتكەرلەرٸنٸڭ كٶمەگٸنە جٷگٸندٸ, دەپ حابارلايدى Ult.kz.
تٶتەنشە جاعدايلار مينيسترلٸگٸنٸڭ جەدەل-قۇتقارۋ جاساعى شاقىرتۋعا جىلدام كەلدٸ. قۇتقارۋشىلار ارنايى قۇرال – بولگاركانىڭ كٶمەگٸمەن ساقينانى قىسقا ۋاقىت ٸشٸندە كەسٸپ, ٸسٸنگەن ساۋساقتان الىپ تاستادى.
قۇتقارۋشىلار ەيەلدٸڭ ساۋساعىن كەسٸپ الماس ٷشٸن ساقينانىڭ تٶمەنگٸ جاعىنا پلاستيك سالدى. ساقينا قىزىعاندىقتان, ونى سۋمەن سۋىتتى. سونداي-اق كەسٸبي قۇتقارۋشىلار ۋايىمداعان قىزدى تىنىشتاندىرىپ, قولداۋ كٶرسەتتٸ.
قۇتقارۋشىلار تۇرعىندارعا كەز كەلگەن تٶتەنشە جاعداي تۋىنداعاندا 112 نٶمٸرٸنە حابارلاسۋدى ەسكەرتەدٸ. ولار ەردايىم كٶمەك كٶرسەتۋگە دايىن.
