Oralda kesheden beri 100 adam meditsinalyq kómekke júgindi, dep habarlaidy "Ult aqparat".
Oblystyq kópbeiindi aýrýhana qabyldaý bólimshesiniń meńgerýshisi Aqylbek Baqaevtyń aitýynsha, sonyń 60-y –kóktaiǵaqqa bailanysty jaraqat alǵandar.
Sonyń ishinde aiaq-qolynan, keýdesinen jáne basynan jaraqat alǵan turǵyndar bar. Synyq jaraqatyn alǵandar travmatologiia, miy shaiqalǵandar neirohirýrgiia bólimshesine jatqyzyldy. Jaǵdailary ortasha.
«Kóktaiǵaqqa bailanysty zardap shekkender, ásirese, búgin kóbeiip otyr. Túske deiin 35 naýqas meditsinalyq kómekke júginse, sonyń 28-i – kóktaiǵaq saldarynan qulap, jaraqat alǵandar», dedi A.Baqaev.
Óńirde keshe jańbyr jaýyp, joldar kóktaiǵaqqa ainaldy.
«Qazgidromet» RMK málimetine qaraǵanda, 13 aqpan kúni de oblystyń kei jerlerinde tuman túsip, kóktaiǵaq bolady. Jaiaý burqasyn kóteriledi. Jeldiń jyldamdyǵy sekýndyna 15-20 metrge deiin jetýi yqtimal.
