Oralda qarjylyq piramida arqyly 68,5 mln astam teńge jymqyrǵan áieldiń isi sotqa berildi, dep habarlaidy "Ult aqparat".
BQO boiynsha ekonomikalyq tergeý departamenti málim etkenindei, Memleket basshysy biylǵy aqpan aiynda quqyq qorǵaý organdary men qarjy qurylymdarynyń basshylarymen kezdesýde qarjy piramidasyn qurǵan keibir uiymdardyń zańsyz áreketterine nazar aýdaryp, osyny egjei-tegjeili tekserýdi tapsyrǵan bolatyn.
Prezident tapsyrmasyn oryndaý maqsatynda QR Qarjy ministrliginiń Qarjy monitoringi komiteti aýmaqtyq departamentterdiń jumysyn erekshe baqylaýǵa aldy.
Qazirgi kezde BQO boiynsha ekonomikalyq tergeý departamentinde QR QK 217-babyna (qarjylyq piramidany qurý jáne oǵan basshylyq etý) sáikes birneshe qylmystyq is tirkelgen.
Sonyń ishinde «Lider» jáne «Altyn tumar» qarjylyq piramidasyn qurǵan Ch. degen áielge qatysty tergeý amaldary aiaqtaldy. Alaiaq áiel azamattarǵa tez arada baiitynyna jáne aqshany keiin eki ese tóleitinine ýáde berip, olardyń 68 567 056 teńgesin jinap alǵan. Bul qarjylyq piramidaǵa 2 myńnan astam adamnyń qatysy bar.
