Oralda qarǵa tas tósep jatqandardyń videosy tarady. Jumysqa tapsyrys berýshiler osy jaǵdaiǵa qatysty pikir bildirdi, - dep habarlaidy Tengrinews.kz.
Merdiger uiymnyń qyzmetkerleri Iaroslavskaia kóshesinde jóndeý jumystaryn júrgizgen. Jergilikti turǵyndar qurylysshylardyń qarǵa tas tósep jatqanyn videoǵa túsirip alǵan.
Jumysqa Tapsyrys berýshi Oral qalasynyń Turǵyn úi-kommýnaldyq sharýashylyǵy, Avtomobil joldary jáne jolaýshylar kóligi bólimi (TKSh, JK jáne AJ) ekeni belgili boldy. Munda merdiger "Qazqurylysgarant" JShS ekeni habarlandy. Joba somasy - shamamen 85 million teńge.
"Bul jumystar biýdjet qarajatynan tólenbeidi. Merdiger uiym jobany merziminde aiaqtai almady. Biz merdigerdi Memlekettik satyp alýlardyń josyqsyz qatysýshysy dep taný týraly sotqa talap aryz berdik", - dedi Oral qalasynyń TKSh, JK jáne AJ bóliminiń bas mamany Gúlsana Berdiǵali.
Merdiger uiymnyń basshysy jumysty onyń qyzmetkerleri júrgizgenin moiyndady.
"Turǵyndar aýdany 15 sharshy metr ýchaskede tas tóseý jumystaryn videoǵa túsirip alǵan. Bul kóshede eki jańa ǵimarat salynyp jatyr. Aýyr tehnika tóselgen tastardy qiratty. Bizde osy qurylys materialynyń eki paketi qaldy. Men olardy osy jerge salýdy sheshtim", - dedi "Qazqurylysgarant" JShS direktory Safa Azizov.
