Oralda qalanyń qaq ortasynda avtokólik otqa orandy, dep habarlaidy QazAqparat tilshisi.
Batys Qazaqstan oblysynyń TJD baspasóz qyzmetinen túsken málimetke qaraǵanda, oqys oqiǵa 31 mamyr kúni túngi saǵat 22.14 shamasynda Eýraziia dańǵyly men Á.Áitiev kósheleriniń qiylysynda bolǵan.
1991 jyly shyqqan BMW avtokóliginiń motor bóligi janyp ketti. Ony sóndirýge 6 maman bir tehnikamen bardy.
«Tilsiz jaý» 22.25-te oqshaýlanyp, 22.58-de aýyzdyqtaldy.
Bastapqy málimetke qaraǵanda, avtokóliktiń qozǵaltqyshy jarylǵan. Oqiǵa kósheniń ortasynda bolǵandyqtan, basqa kólikterdiń ony ainalyp ótýine týra keldi.
Eske sala ketsek, oblystyq TJ departamenti tarapynan óńirde aptap ystyqqa bailanysty 1 maýsymnan bastap órt qaýpi kúsheietini eskertildi.
Sonymen qatar keshe Oralda jeke úi órtendi. 31 mamyrda tańǵy saǵat 04.10-da Samar kóshesindegi 89/9 úi otqa orandy.
Turǵyn úidiń jaqtaýlary men kireberis bólmesi (100 sharshy metr) jáne sharýashylyq qurylystary (140 sharshy metr) órtendi. Ony sóndirýge 22 maman men 6 tehnika jumyldyryldy. Órt sóndirýshiler jarylýy múmkin gaz ballonyn ýaqtyly alyp shyqqan. Órt saǵat 04.58-de sóndirildi. Odan eshkim zardap shekpedi.
Qazirgi kezde eki órttiń de shyǵý sebebi, keltirilgen shyǵyn kólemi anyqtalýda.
