ورالدا قالانىڭ قاق ورتاسىندا اۆتوكٶلٸك وتقا وراندى, دەپ حابارلايدى قازاقپارات تٸلشٸسٸ.
باتىس قازاقستان وبلىسىنىڭ تجد باسپاسٶز قىزمەتٸنەن تٷسكەن مەلٸمەتكە قاراعاندا, وقىس وقيعا 31 مامىر كٷنٸ تٷنگٸ ساعات 22.14 شاماسىندا ەۋرازييا داڭعىلى مەن ە.ەيتيەۆ كٶشەلەرٸنٸڭ قيىلىسىندا بولعان.
1991 جىلى شىققان BMW اۆتوكٶلٸگٸنٸڭ موتور بٶلٸگٸ جانىپ كەتتٸ. ونى سٶندٸرۋگە 6 مامان بٸر تەحنيكامەن باردى.
«تٸلسٸز جاۋ» 22.25-تە وقشاۋلانىپ, 22.58-دە اۋىزدىقتالدى.
باستاپقى مەلٸمەتكە قاراعاندا, اۆتوكٶلٸكتٸڭ قوزعالتقىشى جارىلعان. وقيعا كٶشەنٸڭ ورتاسىندا بولعاندىقتان, باسقا كٶلٸكتەردٸڭ ونى اينالىپ ٶتۋٸنە تۋرا كەلدٸ.
ەسكە سالا كەتسەك, وبلىستىق تج دەپارتامەنتٸ تاراپىنان ٶڭٸردە اپتاپ ىستىققا بايلانىستى 1 ماۋسىمنان باستاپ ٶرت قاۋپٸ كٷشەيەتٸنٸ ەسكەرتٸلدٸ.
سونىمەن قاتار كەشە ورالدا جەكە ٷي ٶرتەندٸ. 31 مامىردا تاڭعى ساعات 04.10-دا سامار كٶشەسٸندەگٸ 89/9 ٷي وتقا وراندى.
تۇرعىن ٷيدٸڭ جاقتاۋلارى مەن كٸرەبەرٸس بٶلمەسٸ (100 شارشى مەتر) جەنە شارۋاشىلىق قۇرىلىستارى (140 شارشى مەتر) ٶرتەندٸ. ونى سٶندٸرۋگە 22 مامان مەن 6 تەحنيكا جۇمىلدىرىلدى. ٶرت سٶندٸرۋشٸلەر جارىلۋى مٷمكٸن گاز باللونىن ۋاقتىلى الىپ شىققان. ٶرت ساعات 04.58-دە سٶندٸرٸلدٸ. ودان ەشكٸم زارداپ شەكپەدٸ.
قازٸرگٸ كەزدە ەكٸ ٶرتتٸڭ دە شىعۋ سەبەبٸ, كەلتٸرٸلگەن شىعىن كٶلەمٸ انىقتالۋدا.
