© uralskweek.kz
Oralda Pýgachev kóshesindegi eki eski jeke úidi buzý kezinde ekskavator jiyrmaǵa jýyq adamnyń bas súiegi men súiekterin qazyp alǵan, - dep habarlaidy Tengrinews.kz agenttigi "Ýralskaia nedelia" basylymyna silteme jasap.
Kýágerlerdiń biri qorqynyshty kórinisti videoǵa túsirgen. 53 jastaǵy er adam politseilerge antikvariat-monetalardy izdeý úshin qurylys jumystary ornyna kelgenin aitqan. Biraq ol adam qaldyqtaryn taýyp, ony uialy telefonyna túsirip alǵan.
Taǵy bir kýáger paidalanylǵan qurylys materialyn jinaý úshin kelgenin aitqan. Ol sol jerden adam súiekterin tapqan. Politsiia er adamnan 11 bas súiek pen 323 súiek tárkilegen.
Tabylǵan adam qaldyqtary sot saraptamasyna jiberilgen. Onyń nátijelerine bailanysty qylmystyq is boiynsha zańdy is júrgizý úshin sheshim qabyldanady. Politseilerdiń sózinshe, adam qaldyqtaryna 60 jyl bolsa, is toqtatylady.
"Eski Oral" murajaiynyń qyzmetkeri adam qaldyqtarynyń tabylýynyń eki nusqasy bolýy múmkin ekenin aitqan.
"Bul aimaqta zirat boldy, óte eski, XIX ǵasyrdyń ortasynda. Ekinshi nusqa boiynsha, bul ótken ǵasyrdyń 20-30-jyldaryndaǵy kannibalizmniń izderi bolýy múmkin", - degen ol.
