© uralskweek.kz
ورالدا پۋگاچەۆ كٶشەسٸندەگٸ ەكٸ ەسكٸ جەكە ٷيدٸ بۇزۋ كەزٸندە ەكسكاۆاتور جيىرماعا جۋىق ادامنىڭ باس سٷيەگٸ مەن سٷيەكتەرٸن قازىپ العان, - دەپ حابارلايدى Tengrinews.kz اگەنتتٸگٸ "ۋرالسكايا نەدەليا" باسىلىمىنا سٸلتەمە جاساپ.
كۋەگەرلەردٸڭ بٸرٸ قورقىنىشتى كٶرٸنٸستٸ ۆيدەوعا تٷسٸرگەن. 53 جاستاعى ەر ادام پوليتسەيلەرگە انتيكۆاريات-مونەتالاردى ٸزدەۋ ٷشٸن قۇرىلىس جۇمىستارى ورنىنا كەلگەنٸن ايتقان. بٸراق ول ادام قالدىقتارىن تاۋىپ, ونى ۇيالى تەلەفونىنا تٷسٸرٸپ العان.
تاعى بٸر كۋەگەر پايدالانىلعان قۇرىلىس ماتەريالىن جيناۋ ٷشٸن كەلگەنٸن ايتقان. ول سول جەردەن ادام سٷيەكتەرٸن تاپقان. پوليتسييا ەر ادامنان 11 باس سٷيەك پەن 323 سٷيەك تەركٸلەگەن.
تابىلعان ادام قالدىقتارى سوت ساراپتاماسىنا جٸبەرٸلگەن. ونىڭ نەتيجەلەرٸنە بايلانىستى قىلمىستىق ٸس بويىنشا زاڭدى ٸس جٷرگٸزۋ ٷشٸن شەشٸم قابىلدانادى. پوليتسەيلەردٸڭ سٶزٸنشە, ادام قالدىقتارىنا 60 جىل بولسا, ٸس توقتاتىلادى.
"ەسكٸ ورال" مۇراجايىنىڭ قىزمەتكەرٸ ادام قالدىقتارىنىڭ تابىلۋىنىڭ ەكٸ نۇسقاسى بولۋى مٷمكٸن ەكەنٸن ايتقان.
"بۇل ايماقتا زيرات بولدى, ٶتە ەسكٸ, XIX عاسىردىڭ ورتاسىندا. ەكٸنشٸ نۇسقا بويىنشا, بۇل ٶتكەن عاسىردىڭ 20-30-جىلدارىنداعى كاننيباليزمنٸڭ ٸزدەرٸ بولۋى مٷمكٸن", - دەگەن ول.
