23 naýryzda Oral qalasyndaǵy №3 orta mektepte bastaýysh synyptarǵa dene shynyqtyrýdan sabaq beretin 32 jastaǵy muǵalim ustaldy, dep habarlaidy Baq.kz tilshisi jergilikti «Moi gorod» portalyna silteme jasap.
BQO IID Esirtki biznesine qarsy kúres basqarmasynyń basshysy Andrei Hlevinniń aitýynsha, ustazdan 5,04 gramm marihýanna tárkilengen.
«23 naýryzda №3 orta mektepte jumys isteitin dene shynyqtyrý páni muǵaliminen (esirtki – avtor) satyp aldyq. Operatsiia barysynda 5,04 gramm marihýanna satyp alyndy. Ol óz úiinde ustaldy», - dedi Andrei Hlevin.
Atalǵan derek boiynsha QR Qylmystyq kodeksiniń 297 babynyń 1 tarmaǵy «Esirtki zattaryn saqtaý jáne satý» boiynsha qylmystyq is qozǵaldy.
Aita keteiik, qalalyq bilim basqarmasy muǵalimniń ustalǵanyn rastaǵanymen, atalǵan oqiǵaǵa qatysty pikir bildirýden bas tartty.
