Eki balanyń anasyn qaǵyp óltirgen Toyota Land Cruiser júrgizýshisi Aleksandr Karagoishin úkim shyqqan soń túrmeden bosap shyqty, dep habarlady Oral qalalyq sotynyń baspasóz qyzmeti.
Qylmystyq istiń materialyna sáikes, Oralda Eýraziia dańǵylyndaǵy jaiaý júrginshiler ótkelinde Evgeniia Bondarenkony djip qaǵyp ketken. Sýdia Náilia Júnisova Karagoishindi eki jarym jylǵa shartty túrde sottady.
Oral qalalyq soty málimdeýinshe, birneshe jaǵdai júrgizýshiniń jazasyn jeńildetýge sebep bolǵan.
"Jasaǵan qylmysyna shyn júrekten ókinip otyr, sonymen qatar kórshileri jaǵymdy qyrynan sipattady, buryn qylmystyq jaýapkershilikke tartylmaǵan, kámelettik jasqa tolmaǵan tórt balasy bar, materialdyq jáne moraldyq shyǵyndy tolyǵymen ótedi ári jábirlenýshi taraptyń qoǵamnan alastatpai jazalaýdy suraýy sebep boldy", — deidi sot ókili Bolat Imashev.
Sotqa deiingi tergeý kezinde Karagoishin jábirlenýshilerge 20 million teńge ótemaqy tólegen.
Aita keterligi, Aleksandr Karagoishin qurylys kompaniiasyna ielik etedi.
