Oral qalasynda kópqabatty úidiń tóbesinen qar kesegi balanyń ústine qulady, dep habarlaidy "Ult aqparat".
Blacklist.uralsk Instagram paraqshasynda jazylǵandai, oqiǵa keshe 5-shaǵynaýdan 7-úi janynda bolǵan. Kúndiz muz aralas qar kesegi oinap júrgen balalardyń ústine qulap ketken.
«Qulaǵan qar oryndyqta otyrǵan balanyń ústine túsken. Ony jedel járdem alyp ketti, tiri, biraq qozǵala almaidy. Qar sondai-aq jolda turǵan avtokólikke de tigen. Kún sál jylynsa, jylda osylai, tóbeden qar qulaidy. Osy úi balansyna kiretin PIK tóbedegi qardy tazalaýdy mindet dep sanamaidy. Saýal kóp: kim tazalaýy tiis, qandai memlekettik organdar baqylaidy, qar ustamaityn taiǵaq tóbelerdi kim qabyldaǵan, mundai qaýipti shatyrlardy paidalanýǵa ruqsat berý máselesin kim qadaǵalaidy? Árine, balalardy qaraý kerek. Alaida kez kelgen adamǵa kireberiske kirerde jáne shyǵarda qaýipti» dep jazylǵan onda.
Oblystyq densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 16.35-te 5-shaǵynaýdan 5-úige shaqyryldy.
Tóbeden ústine qar qulaǵan bala oblystyq kópbeiindi balalar aýrýhanasyna jetkizildi, jaǵdaiy ortasha aýyr.
