ورال قالاسىندا كٶپقاباتتى ٷيدٸڭ تٶبەسٸنەن قار كەسەگٸ بالانىڭ ٷستٸنە قۇلادى, دەپ حابارلايدى "ۇلت اقپارات".
Blacklist.uralsk Instagram پاراقشاسىندا جازىلعانداي, وقيعا كەشە 5-شاعىناۋدان 7-ٷي جانىندا بولعان. كٷندٸز مۇز ارالاس قار كەسەگٸ ويناپ جٷرگەن بالالاردىڭ ٷستٸنە قۇلاپ كەتكەن.
«قۇلاعان قار ورىندىقتا وتىرعان بالانىڭ ٷستٸنە تٷسكەن. ونى جەدەل جەردەم الىپ كەتتٸ, تٸرٸ, بٸراق قوزعالا المايدى. قار سونداي-اق جولدا تۇرعان اۆتوكٶلٸككە دە تيگەن. كٷن سەل جىلىنسا, جىلدا وسىلاي, تٶبەدەن قار قۇلايدى. وسى ٷي بالانسىنا كٸرەتٸن پيك تٶبەدەگٸ قاردى تازالاۋدى مٸندەت دەپ سانامايدى. ساۋال كٶپ: كٸم تازالاۋى تيٸس, قانداي مەملەكەتتٸك ورگاندار باقىلايدى, قار ۇستامايتىن تايعاق تٶبەلەردٸ كٸم قابىلداعان, مۇنداي قاۋٸپتٸ شاتىرلاردى پايدالانۋعا رۇقسات بەرۋ مەسەلەسٸن كٸم قاداعالايدى? ەرينە, بالالاردى قاراۋ كەرەك. الايدا كەز كەلگەن ادامعا كٸرەبەرٸسكە كٸرەردە جەنە شىعاردا قاۋٸپتٸ» دەپ جازىلعان وندا.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, جەدەل جەردەم ساعات 16.35-تە 5-شاعىناۋدان 5-ٷيگە شاقىرىلدى.
تٶبەدەن ٷستٸنە قار قۇلاعان بالا وبلىستىق كٶپبەيٸندٸ بالالار اۋرۋحاناسىنا جەتكٸزٸلدٸ, جاعدايى ورتاشا اۋىر.
