Oralda belgisiz bireýler 72 jastaǵy áieldi óltirdi. Zeinetkerdiń denesi óz úiinde kóptegen pyshaq jaraqattarymen tabyldy, - dep habarlaidy Tengrinews.kz.
Qandy qylmys týraly Jeli qoldanýshylary habarlady. Messendjerlerde zeinetkerdi óltirý týraly aýdiohabarlamalar taratyla bastady. Áieldiń úide jalǵyz bolǵany atap ótilgen.
Politsiia qylmyskerlerdi tabýǵa bar kúshin salǵanyn jetkizip, oqiǵanyń mán-jaiyn túsindirdi.
"9 naýryzda saǵat 18:30-da Zachagansk kentiniń jeke sektoryndaǵy úilerdiń birinen 1950 jylǵy áieldiń máiiti tabyldy. Qylmyskerler qaitys bolǵan zeinetkerdiń moiyn tusyn birneshe ret pyshaqtaǵan. Máiit sot-meditsinalyq saraptamaǵa jiberildi. BQO Politsiia departamentiniń barlyq jeke quramy asa aýyr qylmystyń artynda kim turǵanyn anyqtaý úshin bar kúsh-jigerin salady. Qazirdiń ózinde qylmysqa qatysy bar adamdardyń tizimi pysyqtalýda. Barlyq tiisti saraptamalar taǵaiyndaldy", - dedi BQO PD kriminaldyq politsiia basqarmasynyń bastyǵy Sultan Shaldarbekov.
