ورالدا بەلگٸسٸز بٸرەۋلەر 72 جاستاعى ەيەلدٸ ٶلتٸردٸ. زەينەتكەردٸڭ دەنەسٸ ٶز ٷيٸندە كٶپتەگەن پىشاق جاراقاتتارىمەن تابىلدى, - دەپ حابارلايدى Tengrinews.kz.
قاندى قىلمىس تۋرالى جەلٸ قولدانۋشىلارى حابارلادى. مەسسەندجەرلەردە زەينەتكەردٸ ٶلتٸرۋ تۋرالى اۋديوحابارلامالار تاراتىلا باستادى. ەيەلدٸڭ ٷيدە جالعىز بولعانى اتاپ ٶتٸلگەن.
پوليتسييا قىلمىسكەرلەردٸ تابۋعا بار كٷشٸن سالعانىن جەتكٸزٸپ, وقيعانىڭ مەن-جايىن تٷسٸندٸردٸ.
"9 ناۋرىزدا ساعات 18:30-دا زاچاگانسك كەنتٸنٸڭ جەكە سەكتورىنداعى ٷيلەردٸڭ بٸرٸنەن 1950 جىلعى ەيەلدٸڭ مەيٸتٸ تابىلدى. قىلمىسكەرلەر قايتىس بولعان زەينەتكەردٸڭ مويىن تۇسىن بٸرنەشە رەت پىشاقتاعان. مەيٸت سوت-مەديتسينالىق ساراپتاماعا جٸبەرٸلدٸ. بقو پوليتسييا دەپارتامەنتٸنٸڭ بارلىق جەكە قۇرامى اسا اۋىر قىلمىستىڭ ارتىندا كٸم تۇرعانىن انىقتاۋ ٷشٸن بار كٷش-جٸگەرٸن سالادى. قازٸردٸڭ ٶزٸندە قىلمىسقا قاتىسى بار ادامداردىڭ تٸزٸمٸ پىسىقتالۋدا. بارلىق تيٸستٸ ساراپتامالار تاعايىندالدى", - دەدٸ بقو پد كريمينالدىق پوليتسييا باسقارماسىنىڭ باستىعى سۇلتان شالداربەكوۆ.
