BQO kámeletke tolmaǵandar isi jónindegi mamandandyrylǵan aýdanaralyq sotynda Artem Krylovqa qatysty úkim shyqty, dep habarlaidy "Ult aqparat".
Sotta katermen áieldi qaǵyp, qazaǵa ushyratý deregi boiynsha is qaraldy.
17 jastaǵy A.Krylov QR QK 104-baby 1-bóligine (abaisyzda qazaǵa ushyratý) sáikes aiypty dep tanylyp, onyń bir jylǵa bas bostandyǵy shekteldi. Atalǵan merzimge probatsiialyq baqylaý ornatyldy.
Sýdia Janar Eshpanovanyń aitýynsha, is jábirlenýshiniń qatysýymen prokýror men sottalýshynyń arasynda jasalǵan protsestik kelisimmen sotqa túsken.
«Kelisim boiynsha prokýror kináli adamǵa bir jyl merzimge bas bostandyǵyn shekteý jazasyn taǵaiyndaýdy surady.
Protseske qatysýshylar munymen kelisti. Sotta jábirlenýshiler kelisimdi qoldap, moraldyq zalaldyń ótelgenin rastady. Zań boiynsha sot prokýrormen belgilengen bapty qatańdatylǵan bappen sottaýǵa quqyly emes. Sondyqtan sottalýshy atalǵan bapqa sáikes kináli dep tanyldy», dedi J.Eshpanova.
Sot sondai-aq katerdi qujatsyz jáne ruqsatsyz júrgizý deregi boiynsha jaýapkershilikke tartý máselesin sheshý úshin jeke qaýly shyǵardy.
Sot úkimi zańdy kúshine engen joq.
