Oralda Asia Mall jergilikti saýda ortalyǵynda anasy eskalatordan qulatyp alǵan toǵyz ailyq qyz qaitys boldy, - dep habarlaidy Tengrinews.kz tilshisi.
Biikten qulaǵannan keiin náreste qalalyq kópsalaly aýrýhanaǵa jatqyzylǵan. Bala óte aýyr jaǵdaida jatqany aityldy. Ol jabyq mi jaraqatyn alǵan. Meditsinalyq mekemede qyzǵa qan quiyldy.
"19 naýryzda bala esin jimastan qaitys boldy", - dedi Batys Qazaqstan oblysy Densaýlyq saqtaý basqarmasynyń baspasóz qyzmeti ókilderi.
Jazataiym oqiǵa 13 naýryzda tústen keiin bolǵan edi. Eskalatormen joǵaryǵa kóterip kele jatqan 35 jastaǵy áiel balasyn ustai almai, 4-5 metr biikten qulatyp alǵan bolatyn. Oqiǵa videosy Jelide jariialandy.
