ورالدا Asia Mall جەرگٸلٸكتٸ ساۋدا ورتالىعىندا اناسى ەسكالاتوردان قۇلاتىپ العان توعىز ايلىق قىز قايتىس بولدى, - دەپ حابارلايدى Tengrinews.kz تٸلشٸسٸ.
بيٸكتەن قۇلاعاننان كەيٸن نەرەستە قالالىق كٶپسالالى اۋرۋحاناعا جاتقىزىلعان. بالا ٶتە اۋىر جاعدايدا جاتقانى ايتىلدى. ول جابىق مي جاراقاتىن العان. مەديتسينالىق مەكەمەدە قىزعا قان قۇيىلدى.
"19 ناۋرىزدا بالا ەسٸن جيماستان قايتىس بولدى", - دەدٸ باتىس قازاقستان وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ ٶكٸلدەرٸ.
جازاتايىم وقيعا 13 ناۋرىزدا تٷستەن كەيٸن بولعان ەدٸ. ەسكالاتورمەن جوعارىعا كٶتەرٸپ كەلە جاتقان 35 جاستاعى ەيەل بالاسىن ۇستاي الماي, 4-5 مەتر بيٸكتەن قۇلاتىپ العان بولاتىن. وقيعا ۆيدەوسى جەلٸدە جارييالاندى.
