Foto: Polisia.kz
Batys Qazaqstan oblysynda politseiler esirtki ósirýge arnalǵan jasyryn fitozerthanany áshkereledi. Bul týraly Polisia.kz habarlady.
Aqpan aiynda júrgizilgen jedel-izdestirý sharalary barysynda Oral qalasynda qarasora ósirdi degen kúdikpen aǵaiyndy eki jigit ustaldy.
Tekserý kezinde olardyń biriniń jeke úiinen jeldetý júiesi men jaryqdiodty shamdarmen jabdyqtalǵan jasyryn jertóle tabyldy. Onda 7 túp qarasora, býyp-túiilgen ósimdik tektes zattar, arnaiy qural-jabdyqtar jáne 14 million teńgeden astam qarajat tárkilengen.
Al ekinshi kúdiktiniń páterinen arnaiy jabdyqtalǵan eki jylyjai-shatyr anyqtaldy. Politsiia qyzmetkerleri ol jerden 22 túp qarasora, túrli paketter men ydystarǵa salynǵan ósimdik tektes zattardy jáne ósirýge arnalǵan qurylǵylardy tárkiledi.
Aita keteiik, buǵan deiin Almatyda 20 jastaǵy kýrerden 2,5 keli esirtki tárkilengen bolatyn.
