Foto: depositphotos.com
QMA BQO boiynsha Departamentimen Oral qalasynda alynǵan zańsyz temekiniń kezekti partiiasy joiyldy, - dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, quny 967 mln teńgeden asatyn 1,6 mln qorap temeki joiyldy.
Eske sala keteiik, buǵan deiin Departament sotqa deiingi tergep-tekserý júrgizip, eki ólshemdi matritsalyq shtrihkodsyz temeki ónimderin satatyn adamdar tobyn anyqtaǵan bolatyn.
"Sottyń shyǵarǵan úkimi negizinde olar qylmystyq jaýapkershilikke tartyldy, al tárkilengen temeki joiylýǵa tiis boldy.
Sondai-aq, basqa is boiynsha sot buǵan deiin QMA BQO boiynsha departamentiniń zattai dáleldemelerdi, atap aitqanda, tiisti qujattarsyz zańsyz kásipkerlik qyzmetti anyqtaý nátijesinde tárkilengen DataMatrix bar temekilerdi ótkizý týraly ótinishin qanaǵattandyrý týraly qaýly shyǵarǵan bolatyn.
Osy satylymnan túsken 84 mln teńge somasyndaǵy qarajat sotqa deiingi tergep-tekserý aiaqtalǵannan keiin sot sheshimi boiynsha memleket kirisine aýdaryldy" - delingen habarlamada.
