Oralda ata-anasy men politseiler 9 jastaǵy Eskendir esimdi balany izdep jatyr. Ol búgin mektepke ketip, biraq bilim ordasyna sol beti barmaǵan.
Balanyń anasy aitqandai, ol mektepke daiyndalyp jatyp, úiden shyǵar kezde on eki jarymda ádettegidei qońyraý shalǵan, dep habarlaidy Sputnik agenttigi "Moi gorod" portalyna silteme jasap.
Alaida, áieldiń aitýynsha, bala mektepke barmapty.
"Ol álette "Iýbileinaia" nemese "Ýral" aialdamasyna deiin jetip, ári qarai mektepke (№19) jaiaý baratyn. Búgin ádettegidei 12.28-de maǵan habarlasyp, mektepke bara jatyrmyn dedi. Sodan beri kórgen joqpyz. Habarlassaq, almaidy. Qazir telefony múldem óship jatyr", — deidi Eskendirdiń anasy.
Onyń sózine súiensek, buryn-sońdy mundai jaǵdai bolmaǵan, otbasynda aiǵai-shý joq, bala eshqashan sabaqtan qalyp kórmepti. Eskendirdi izdegen kezde "Qazaqstan" kinoteatrynyń janyndaǵy oryndyqtan mektepke ustaityn riýkzagy tabylǵan.
Er bala qara kúrte, basyna sur bas kiim kiip, moinyna sur sharf taqqan.
Áiel adam politsiiaǵa aryz berdi, Eskendirdi kórgen adam bolsa, kelesi nómirlerge habarlasýdy suraidy: 8-711-226-4362, 8-705-277-8805, 8-775-135-5257, nemese 102.
