Oral qalasynda toǵyz jasar bala úsh kún ishinde eki kólikti aidap áketip, eki ret jol apatyna ushyraǵan. Balaqai Toyota mikroavtobýsyn 9 tamyzda keshki ýaqytta aidap áketti, dep habarlaidy sputniknews.kz agenttigi "Moi gorod" basylymyna silteme jasap.
Kólik iesiniń aitýynsha, avtobýsty kóshege tastap, dosynyń úiine qonaqqa kirgen. Birazdan soń úiine qaitaiyn dep shyqsa, kóligi ornynda joq, er adam politsiiaǵa birden habar beredi. Kólik iesi eski mashinaǵa urlyqshylar nazar aýdarmaityn shyǵar dep esigin jappaǵan eken.
Biraz ýaqyt ótken soń politsiia mikroavtobýstyń tabylǵanyn habarlaidy. Jas kólik urlaýshy rólge ie bola almai, kópirdiń beton tireýine soǵylǵan soń ustalypty.
Aitpaqshy, politseiler avtouryny birden tanyp qoidy. Osydan úsh kún buryn bala bireýdiń Suzuki kóligin urlap, jeńil-jelpi apatqa ushyraǵan.
Alǵashqy oqiǵanyń ózinde jetkinshektiń ákesi qatty tańǵaldy, onyń aitýynsha, kólik urlanǵanan sál buryn balasy úide kóbeitý kestesin jattap otyrypty.
