ورال قالاسىندا توعىز جاسار بالا ٷش كٷن ٸشٸندە ەكٸ كٶلٸكتٸ ايداپ ەكەتٸپ, ەكٸ رەت جول اپاتىنا ۇشىراعان. بالاقاي Toyota ميكرواۆتوبۋسىن 9 تامىزدا كەشكٸ ۋاقىتتا ايداپ ەكەتتٸ, دەپ حابارلايدى sputniknews.kz اگەنتتٸگٸ "موي گورود" باسىلىمىنا سٸلتەمە جاساپ.
كٶلٸك يەسٸنٸڭ ايتۋىنشا, اۆتوبۋستى كٶشەگە تاستاپ, دوسىنىڭ ٷيٸنە قوناققا كٸرگەن. بٸرازدان سوڭ ٷيٸنە قايتايىن دەپ شىقسا, كٶلٸگٸ ورنىندا جوق, ەر ادام پوليتسيياعا بٸردەن حابار بەرەدٸ. كٶلٸك يەسٸ ەسكٸ ماشيناعا ۇرلىقشىلار نازار اۋدارمايتىن شىعار دەپ ەسٸگٸن جاپپاعان ەكەن.
بٸراز ۋاقىت ٶتكەن سوڭ پوليتسييا ميكرواۆتوبۋستىڭ تابىلعانىن حابارلايدى. جاس كٶلٸك ۇرلاۋشى رٶلگە يە بولا الماي, كٶپٸردٸڭ بەتون تٸرەۋٸنە سوعىلعان سوڭ ۇستالىپتى.
ايتپاقشى, پوليتسەيلەر اۆتوۇرىنى بٸردەن تانىپ قويدى. وسىدان ٷش كٷن بۇرىن بالا بٸرەۋدٸڭ Suzuki كٶلٸگٸن ۇرلاپ, جەڭٸل-جەلپٸ اپاتقا ۇشىراعان.
العاشقى وقيعانىڭ ٶزٸندە جەتكٸنشەكتٸڭ ەكەسٸ قاتتى تاڭعالدى, ونىڭ ايتۋىنشا, كٶلٸك ۇرلانعانان سەل بۇرىن بالاسى ٷيدە كٶبەيتۋ كەستەسٸن جاتتاپ وتىرىپتى.
