Oralda eki avtokólik soqtyǵysyp, birneshe adam aýrýhanaǵa jetkizildi, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa búgin shamamen saǵat 08.15-te Zachagan kentinde Saratov joly boiynda «Kondensat» janar-jaǵar mai stansasy tusynda boldy.
Matiz ben Volkswagen markaly avtokólikteri soqtyǵysty. Sonyń saldarynan Volkswagen avtokóliginde otyrǵan úsh jolaýshy men Matiz júrgizýshisi túrli dene jaraqattarymen aýrýhanaǵa jetkizildi.
Aldyn ala málimet boiynsha joldyń kóktaiǵaq bolýyna jáne nashar bóligine bailanysty Matiz avtokóligi qarsy betke shyǵyp ketken.
Oblystyq densaýlyq saqtaý basqarmasynyń naqtylaýynsha, miy shaiqalǵan degen kúdikpen 11 jasar er bala men mańdai tusy kógergen16 jasar qyz oblystyq kópbeiindi balalar aýrýhanasyna jetkizildi. Qabyrǵasy synǵan 1960 jylǵy jáne miy shaiqalǵan degen kúdikpen 1990 jylǵy áielder qalalyq kópbeiindi aýrýhananyń hirýrgiialyq bólimshesine jatqyzyldy. 1960 jáne 1989 jylǵy er adamdar aýrýhanaǵa jatýdan bas tartty.
