Oralda avtojol uiymynyń qyzmetkerleri joldaǵy shuńqyrlardy qoldanylǵan tas tóseýishpen bitegen. Áleýmettik jelilerde jóndeý jumystarynyń videosy jariialandy, - dep habarlaidy Tengrinews.kz.
Video bir kún buryn áleýmettik jelilerde jariialandy. Ol Oral ákimdiginiń resmi Instagram-paraqshasyna da salynǵan. Biraq keiinirek óshirilgen. Videoǵa túrli pikir jazylǵan:
"Osyǵan deiin jettik, jaqynda joldy penoplast nemese qoqyspen toltyramyz","Izolenta nemese skotch jabystyrsaq, búlinbeidi", "Mine, bul - joldardy jóndeýdegi jańa tehnologiia, qansha milliard jumsalǵanyn bilgim keledi?" - dedi turǵyndar.
Oral qalasynyń turǵyn úi-kommýnaldy sharýashylyǵy, jolaýshylar kóligi jáne kólik joldary bólimi qyzmetkeri biyl oblys ortalyǵyndaǵy kóshelerdi jóndeýge 300 million teńge bólingenin atap ótti. 50-ge jýyq kósheni retke keltirý josparlanyp otyr.
"Tas tóseýish ýaqytsha sheshim boldy. Dál osyndai tehnologiiany Qazaqstannyń basqa qalalaryndaǵy áriptesterimiz de qoldanady. Qolaily aýa raiy bolǵanda, jolǵa tolyq jóndeý júrgiziledi. Qazirgi aýa temperatýrasy jaǵdaiynda asfaltbeton qospasyn paidalaný múmkin emes", - dedi sektor meńgerýshisi Baýyrjan Saǵiev.
Batys Qazaqstan oblysy kólik joldarynyń sapasy boiynsha elimizdegi eń artta qalǵan oblys. 2021 jyly óńir aýyldarynyń biriniń turǵyndary eldi mekenge kireberis joldy jóndeýge ózderi shyqqan edi.
