ورالدا اۆتوجول ۇيىمىنىڭ قىزمەتكەرلەرٸ جولداعى شۇڭقىرلاردى قولدانىلعان تاس تٶسەۋٸشپەن بٸتەگەن. ەلەۋمەتتٸك جەلٸلەردە جٶندەۋ جۇمىستارىنىڭ ۆيدەوسى جارييالاندى, - دەپ حابارلايدى Tengrinews.kz.
ۆيدەو بٸر كٷن بۇرىن ەلەۋمەتتٸك جەلٸلەردە جارييالاندى. ول ورال ەكٸمدٸگٸنٸڭ رەسمي Instagram-پاراقشاسىنا دا سالىنعان. بٸراق كەيٸنٸرەك ٶشٸرٸلگەن. ۆيدەوعا تٷرلٸ پٸكٸر جازىلعان:
"وسىعان دەيٸن جەتتٸك, جاقىندا جولدى پەنوپلاست نەمەسە قوقىسپەن تولتىرامىز","يزولەنتا نەمەسە سكوتچ جابىستىرساق, بٷلٸنبەيدٸ", "مٸنە, بۇل - جولداردى جٶندەۋدەگٸ جاڭا تەحنولوگييا, قانشا ميلليارد جۇمسالعانىن بٸلگٸم كەلەدٸ?" - دەدٸ تۇرعىندار.
ورال قالاسىنىڭ تۇرعىن ٷي-كوممۋنالدى شارۋاشىلىعى, جولاۋشىلار كٶلٸگٸ جەنە كٶلٸك جولدارى بٶلٸمٸ قىزمەتكەرٸ بيىل وبلىس ورتالىعىنداعى كٶشەلەردٸ جٶندەۋگە 300 ميلليون تەڭگە بٶلٸنگەنٸن اتاپ ٶتتٸ. 50-گە جۋىق كٶشەنٸ رەتكە كەلتٸرۋ جوسپارلانىپ وتىر.
"تاس تٶسەۋٸش ۋاقىتشا شەشٸم بولدى. دەل وسىنداي تەحنولوگييانى قازاقستاننىڭ باسقا قالالارىنداعى ەرٸپتەستەرٸمٸز دە قولدانادى. قولايلى اۋا رايى بولعاندا, جولعا تولىق جٶندەۋ جٷرگٸزٸلەدٸ. قازٸرگٸ اۋا تەمپەراتۋراسى جاعدايىندا اسفالتبەتون قوسپاسىن پايدالانۋ مٷمكٸن ەمەس", - دەدٸ سەكتور مەڭگەرۋشٸسٸ باۋىرجان ساعيەۆ.
باتىس قازاقستان وبلىسى كٶلٸك جولدارىنىڭ ساپاسى بويىنشا ەلٸمٸزدەگٸ ەڭ ارتتا قالعان وبلىس. 2021 جىلى ٶڭٸر اۋىلدارىنىڭ بٸرٸنٸڭ تۇرعىندارى ەلدٸ مەكەنگە كٸرەبەرٸس جولدى جٶندەۋگە ٶزدەرٸ شىققان ەدٸ.
