Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Oral men Shymkentte Z árpi jabystyrylǵan kólikter anyqtaldy

Ult portaly
Oral men Shymkentte Z árpi jabystyrylǵan kólikter anyqtaldy


Oralda jergilikti jýrnalist Luqpan Ahmediarov júksalǵyshynda Z árpi japsyrylǵan kólikti videoǵa túsirip alǵan, - dep habarlaidy Tengrinews.kz tilshisi "Ýralskaia nedelia"basylymyna silteme jasap.

Oqiǵa 4 naýryzda tańerteń bolǵan.

"Kólik tizgininde áiel otyrdy. Odan: "Kóliktiń artyndaǵy japsyrma neni bildiredi" - dep suradym. Ol shynymen tańǵalyp: "Qaidaǵy japsyrma?" - dedi. Sosyn túsip qarady. Kúieýi jabystyrǵan bolýy múmkin ekenin aityp, japsyrmany alyp tastady da, ketip qaldy", - dedi jýrnalist.

Ahmediarovtyń aitýynsha, ol Z árpi bar kólikke nazar aýdarǵan, óitkeni Ýkraina aýmaǵyndaǵy soǵysqa qatysyp jatqan reseilik áskeri tehnikalarda da osyǵan uqsas belgiler qoldanylady.

BQO IID baspasóz qyzmeti kólikterden latyn áripterimen Z, V nemese O jazylǵan japsyrmalar nemese jazýlar tabylsa, mundai kólik júrgizýshileri dereý toqtatylyp, sebebin anyqtaý úshin politsiia bólimine jetkiziletinin eskertti. Kólikti toqtatý videoǵa túsiriledi.

Bir kún buryn Shymkentte politseiler artqy terezesinde Z belgisi bar kólik júrgizýshisine aiyppul salǵan bolatyn.

Otyrar.kz aqparat agenttigi málimetinshe, júrgizýshige qatysty 590-baptyń 5-bólimi "Kólik quraldaryn paidalaný erejelerin buzý" boiynsha ákimshilik hattama toltyrylyp, bes AEK (15 315 teńge) kóleminde aiyppul salynǵan.

Al Resei Qorǵanys ministrligi Instagram-paraqshasynda Ýkrainadaǵy arnaiy operatsiiaǵa qatysqan áskeri tehnikaǵa qoldanylatyn latyn áripteri neni bildiretinin túsindirdi.

Vedomstvo málimeti boiynsha, Z - "Za pobedý" shifrlanǵan sózi, V árpi "Sila V (v) pravde". Sondai-aq, V "Zadacha býdet vypolnena" degendi bildiredi.

Oqi otyryńyz