ورالدا جەرگٸلٸكتٸ جۋرناليست لۇقپان احمەدياروۆ جٷكسالعىشىندا Z ەرپٸ جاپسىرىلعان كٶلٸكتٸ ۆيدەوعا تٷسٸرٸپ العان, - دەپ حابارلايدى Tengrinews.kz تٸلشٸسٸ "ۋرالسكايا نەدەليا"باسىلىمىنا سٸلتەمە جاساپ.
وقيعا 4 ناۋرىزدا تاڭەرتەڭ بولعان.
"كٶلٸك تٸزگٸنٸندە ەيەل وتىردى. ودان: "كٶلٸكتٸڭ ارتىنداعى جاپسىرما نەنٸ بٸلدٸرەدٸ" - دەپ سۇرادىم. ول شىنىمەن تاڭعالىپ: "قايداعى جاپسىرما?" - دەدٸ. سوسىن تٷسٸپ قارادى. كٷيەۋٸ جابىستىرعان بولۋى مٷمكٸن ەكەنٸن ايتىپ, جاپسىرمانى الىپ تاستادى دا, كەتٸپ قالدى", - دەدٸ جۋرناليست.
احمەدياروۆتىڭ ايتۋىنشا, ول Z ەرپٸ بار كٶلٸككە نازار اۋدارعان, ٶيتكەنٸ ۋكراينا اۋماعىنداعى سوعىسقا قاتىسىپ جاتقان رەسەيلٸك ەسكەري تەحنيكالاردا دا وسىعان ۇقساس بەلگٸلەر قولدانىلادى.
بقو ٸٸد باسپاسٶز قىزمەتٸ كٶلٸكتەردەن لاتىن ەرٸپتەرٸمەن Z, V نەمەسە O جازىلعان جاپسىرمالار نەمەسە جازۋلار تابىلسا, مۇنداي كٶلٸك جٷرگٸزۋشٸلەرٸ دەرەۋ توقتاتىلىپ, سەبەبٸن انىقتاۋ ٷشٸن پوليتسييا بٶلٸمٸنە جەتكٸزٸلەتٸنٸن ەسكەرتتٸ. كٶلٸكتٸ توقتاتۋ ۆيدەوعا تٷسٸرٸلەدٸ.
بٸر كٷن بۇرىن شىمكەنتتە پوليتسەيلەر ارتقى تەرەزەسٸندە Z بەلگٸسٸ بار كٶلٸك جٷرگٸزۋشٸسٸنە ايىپپۇل سالعان بولاتىن.
Otyrar.kz اقپارات اگەنتتٸگٸ مەلٸمەتٸنشە, جٷرگٸزۋشٸگە قاتىستى 590-باپتىڭ 5-بٶلٸمٸ "كٶلٸك قۇرالدارىن پايدالانۋ ەرەجەلەرٸن بۇزۋ" بويىنشا ەكٸمشٸلٸك حاتتاما تولتىرىلىپ, بەس اەك (15 315 تەڭگە) كٶلەمٸندە ايىپپۇل سالىنعان.
ال رەسەي قورعانىس مينيسترلٸگٸ Instagram-پاراقشاسىندا ۋكرايناداعى ارنايى وپەراتسيياعا قاتىسقان ەسكەري تەحنيكاعا قولدانىلاتىن لاتىن ەرٸپتەرٸ نەنٸ بٸلدٸرەتٸنٸن تٷسٸندٸردٸ.
ۆەدومستۆو مەلٸمەتٸ بويىنشا, Z - "زا پوبەدۋ" شيفرلانعان سٶزٸ, V ەرپٸ "سيلا V (ۆ) پراۆدە". سونداي-اق, V "زاداچا بۋدەت ۆىپولنەنا" دەگەندٸ بٸلدٸرەدٸ.
