Oral qalasy bas memlekettik sanitar dárigeriniń qaýlysyna sáikes 22 qazannan bastap shaharda qosymsha shekteý sharalary engizildi, dep habarlaidy "Ult aqparat".
Oral qalasy bas memlekettik sanitar dárigeri Mádeniet Tanaýovtyń málim etkenindei, jasy 65-ten asqan adamdardyń asa qajet bolmasa, kóshege shyǵýyna shekteý qoiyldy.
Sondai-aq, demalys kúnderi aýyl sharýashylyǵy, azyq-túlik jármeńkelerin ótkizýge tyiym salynyp, qoǵamdyq kólikterdiń jumysy toqtatylady.
Oral qalasy ákimi men politsiia basqarmasyna J.Dosmuhamedov kóshesi, «Mirlan» bazary mańynda, Ábilqaiyr han dańǵyly, 155, «Jaiyq» dúkeni men «Aiajan» saýda úii, N.Nazarbaev dańǵyly, «Iýbileinaia» aialdamasy, Qurmanǵazy kóshesi, «Shkolnik» saýda úii men «Aqjol» saýda úii, Abai dańǵyly, burynǵy «Sultan» bazary, D.Qonaev shaǵynaýdany, «Jeńis» saýda úiine qarama-qarsy jáne Iu.Gagarin kóshesi, «Ónim» bazary aýdanynda ornalasqan jabaiy bazarlardy joiý tapsyryldy.
