Qazaqstan Úkimeti "Oral halyqaralyq áýejaiy" JShS-ǵa Mánshúk Mámetovanyń esimin berý týraly qaýly shyǵardy, - dep habarlaidy Kaz.tengritravel.kz portaly.
Qaýly 2022 jyldyń 18 naýryzynda qabyldanǵan.
"Oral halyqaralyq áýejaiy" jeke sharýashylyq seriktestigine Mánshúk Mámetovanyń esimi berilsin", - delingen qaýlyda.
Qaýly resmi túrde jariialanǵannan keiin kúshine enedi.
2021 jyly qoǵam belsendileri men depýtattar Oral áýejaiyna BQO týmasy, Keńes Odaǵynyń batyry Mánshúk Mámetovanyń esimen berý týraly aitqan edi. Keiin Batys Qazaqstan oblysynyń oblystyq máslihat sessiiasynda sheshim shyǵaryldy.
Mámetova Qyzyl ásker qatarynda boryshyn ótep, pýlemetshi bolǵan. Ol 1943 jyly kúzde dúnieden ozdy. Erjúrek arý soǵysta 70-ke jýyq jaý áskerin jaipaǵan. Oǵan óliminen keiin Keńes Odaǵynyń batyry ataǵy berildi.
