Seisenbi kúni munai baǵasy aldaǵy OPEK+ otyrysy qarsańynda ósti. Otyrys osy aptanyń sońynda onlain ótedi dep kútilýde.
LCO Brent markaly munai fiýchersteri 1-inen bastap 0,94%-ǵa nemese 36 tsentke, iaǵni barreli 38,68 AQSh dollaryna deiin qymbattady, dep habarlaidy Reuters agenttigi.
West Texas Intermediate (WTI) CLc1 markaly shiki munai fiýchersteri 0,73%-ǵa (26 tsentke), iaǵni barreli 35,70 AQSh dollaryna deiin qymbattady. OPEK+ óndirýshileri shilde nemese tamyz ailarynda munai óndirýdi táýligine 9,7 million barrelge (álemdik óndiristiń shamamen 10%) azaitý máselesin 4 maýsymda bolatyn onlain-otyrysta qarastyrady.
Sáýirde kelisilgen OPEK+ josparyna sáikes jetkizilimderdiń rekordtyq qysqarýy mamyr men maýsym ailarynda bastalyp, shilde-jeltoqsan aralyǵynda táýligine 7,7 mln barrelge deiin azaiady.
Derekkózder ótken aptada Reuters agenttigine Saýd Arabiiasy munai óndirýdi aitarlyqtai azaitýdy odan ári jalǵastyrý týraly kelissóz júrgizip jatqanyn aitty.
Bul uzartý múmkindigi munai baǵasynyń 40 AQSh dollaryna deiin ósýine ákelýi múmkin ekeni atap ótilgen.
