Ońtústikten soltústikke 125 otbasy attandy. Onyń ishinde on shaqty shańyraq ózge óńirge qonystaný úshin búgin býynyp-túiinip jolǵa shyqty. Saparǵa jinalǵandardyń arasynda ondaǵy múmkindikterdi qarastyryp qaitý úshin ketken turǵyndar kóp, dep habarlady otyrar.kz.
Soltústikti betke alǵandardyń arasynda Orynbaevtar otbasy da bar. Saryaǵashtyq turǵyndar búgin býynyp-túiinip jolǵa shyqty. Eńbekke qabiletti azamattar eki qolǵa bir kúrek taýyp, jeri qunarly óńirde eginshilik pen qus sharýashylyǵyn túletsek deidi.
Pavlodar, Qostanai, Soltústik Qazaqstan oblystaryna attanyp jatqan bul turǵyndardyń arasynda osyǵan deiin turatyn eldi mekenderinde bolyp, ondaǵy jaǵdaidyń jai-japsarymen tanysyp kelgender az emes. Qonys aýdarǵan azamattardyń turǵyn úi, jer, áleýmettik paketpen qamtamasyz etilýi ákimdiktegilerdiń tikelei baqylaýynda bolady deidi jaýaptylar.
Eńbek kúshi jetispeitin óńirlerge jinalǵan kóshti jergilikti atqaminerler men halyq qalaýlylary shyǵaryp saldy.
Aita keteiik, 2015-2017 jyldary kúngeide 1 jarym myńǵa jýyq múshesi bar 400-ge tarta otbasy soltústikke qonys aýdarǵan. Olardyń barlyǵynyń otbasyndaǵy keminde bir adamy jumyspen qamtylyp, ár túrli salada jemisti jumystar atqarýda deidi basqarma ókilderi. Kósh biyl da jalǵasady. Jyl aiaǵyna deiin 665 otbasy qonys aýdarady dep josparlanýda.
