وڭتٷستٸكتەن سولتٷستٸككە 125 وتباسى اتتاندى. ونىڭ ٸشٸندە ون شاقتى شاڭىراق ٶزگە ٶڭٸرگە قونىستانۋ ٷشٸن بٷگٸن بۋىنىپ-تٷيٸنٸپ جولعا شىقتى. ساپارعا جينالعانداردىڭ اراسىندا ونداعى مٷمكٸندٸكتەردٸ قاراستىرىپ قايتۋ ٷشٸن كەتكەن تۇرعىندار كٶپ, دەپ حابارلادى otyrar.kz.
سولتٷستٸكتٸ بەتكە العانداردىڭ اراسىندا ورىنباەۆتار وتباسى دا بار. سارىاعاشتىق تۇرعىندار بٷگٸن بۋىنىپ-تٷيٸنٸپ جولعا شىقتى. ەڭبەككە قابٸلەتتٸ ازاماتتار ەكٸ قولعا بٸر كٷرەك تاۋىپ, جەرٸ قۇنارلى ٶڭٸردە ەگٸنشٸلٸك پەن قۇس شارۋاشىلىعىن تٷلەتسەك دەيدٸ.
پاۆلودار, قوستاناي, سولتٷستٸك قازاقستان وبلىستارىنا اتتانىپ جاتقان بۇل تۇرعىنداردىڭ اراسىندا وسىعان دەيٸن تۇراتىن ەلدٸ مەكەندەرٸندە بولىپ, ونداعى جاعدايدىڭ جاي-جاپسارىمەن تانىسىپ كەلگەندەر از ەمەس. قونىس اۋدارعان ازاماتتاردىڭ تۇرعىن ٷي, جەر, ەلەۋمەتتٸك پاكەتپەن قامتاماسىز ەتٸلۋٸ ەكٸمدٸكتەگٸلەردٸڭ تٸكەلەي باقىلاۋىندا بولادى دەيدٸ جاۋاپتىلار.
ەڭبەك كٷشٸ جەتٸسپەيتٸن ٶڭٸرلەرگە جينالعان كٶشتٸ جەرگٸلٸكتٸ اتقامٸنەرلەر مەن حالىق قالاۋلىلارى شىعارىپ سالدى.
ايتا كەتەيٸك, 2015-2017 جىلدارى كٷنگەيدە 1 جارىم مىڭعا جۋىق مٷشەسٸ بار 400-گە تارتا وتباسى سولتٷستٸككە قونىس اۋدارعان. ولاردىڭ بارلىعىنىڭ وتباسىنداعى كەمٸندە بٸر ادامى جۇمىسپەن قامتىلىپ, ەر تٷرلٸ سالادا جەمٸستٸ جۇمىستار اتقارۋدا دەيدٸ باسقارما ٶكٸلدەرٸ. كٶش بيىل دا جالعاسادى. جىل اياعىنا دەيٸن 665 وتباسى قونىس اۋدارادى دەپ جوسپارلانۋدا.
