Biyl maqtaraldyq «Myrzakent» maqta tazalaý zaýyty maqta talshyǵyn daiyndaýda rekordttyq kórsetkishke qol jetkizýi múmkin. Bul mejege jetý úshin kásiporynǵa AQSh-tyń «Liýmýs Korporaishn» kompaniiasynan satyp alyp ornatqan qondyrǵysy kómektespek. Óńirdegi maqta zaýyttarymen salystyrǵanda bul óndiristiń eńbek ónimdiligi 30 paiyzǵa joǵary, dep habarlaidy oblys ákiminiń baspasóz qyzmeti.
Atap aitqanda, talshyqtyń shyǵýy 30 paiyzǵa artyq ári sapasy joǵary, elektr qýatynyń shyǵyny 25-30 paiyzǵa únemdeledi jáne maqtany óńdeý merzimi 30 paiyzǵa qysqarǵan. Jobada paidalanylǵan innovatsiialyq tehnologiialar TMD elderinde teńdesi joq óndiris bolyp tabylady.
«Maqta zaýytymyzdaǵy investitsiialyq joba 2013 jyly óńirlik úilestirý keńesinde (ÓÚK) maquldanyp, indýstrialdy kartaǵa eńgizilgen bolatyn. Sóitip, atalmysh jobany 2014 jyly iske qostyq. Búginde zaýyttyń jalpy quny 1 milliard teńgeni quraidy. Munda 120 adam merzimdi jumys ornymen qamtylǵan», - deidi zaýyttyń bas injeneri Asylbek Jamalov.
2014 jyly «Údemeli indýstrialdy-innovatsiialyq damý» memlekettik baǵdarlamasy aiasynda iske qosylǵan kásiporyn biyldyń ózinde 60 myń tonna maqta talshyǵyn ázirleýdi josparlap otyr. Táýligine munda 40 tonna maqta talshyǵy óndiriledi. Daiyn ónim Shymkenttegi maqta toqyma zaýytyna jóneltiledi. Zaýyt qajettiliginen artylǵan talshyqtar Chehiia men Úndistan memleketterine saýdalanady eken.
Osylaisha «Myrzakent» JShS-gi maqtany ósirip qana qoimai ony qaita óńdeý isimen de ainalysyp jatyr. Sondai-aq, bul kásiporyn óńir maqtashylarynan tiimdi baǵada aq altyn qabyldap, qambasyn shikizatpen toltyrýda.
