Ońtústik Qazaqstan oblysy, Tóle bi aýdanynda biylǵy jyly 20 aýyl sharýashylyǵy kooperativi quryldy, dep habarlaidy OQO ákiminiń baspasóz qyzmeti.
Osynyń biri qus etin óndiretin «Lenger qus» aýyl sharýashylyǵy óndiristik kooperativi. 20 músheniń basyn qosatyn aýyl sharýashylyǵy kooperativine birikken qus fermasynyń qurylysy aiaqtalýǵa jaqyn.
Jyl aiaǵyna deiin iske qosylatyn nysanda jylyna 200 tonnaǵa deiin qus eti óndiriletin bolady. Búginde kásiporyn ǵimaratyna jańa qural-jabdyqtar ákelinip, ornatylýda. Sý jańa qural-jabdyq tolyqtai avtomattandyrylǵan. 2,5 gektardy alyp jatqan qus fermasynyń qazir infraqurylymy jasaqtalýda. Sharýalardyń kooperativke birigýiniń arqasynda muny satyp alýǵa ketken shyǵynnyń 50 paiyzy memleket tarapynan sýbsidiialanyp otyr.
Kooperativ tóraiymynyń aitýynsha, ótkizgen ettiń ár kelisine 80 teńgeden, al jemge 20 teńgeden sýbsidiia alatyn bolady. Joba tolyqtai iske qosylǵanda jylyna 200 tonnaǵa jýyq qus etin óndiremiz dep otyrǵan sharýalar taýarlaryn «Shymkent qus» kásipornyna ótkizedi. Jylyna 6 ainalymda jumys isteitin qus fermasy qustardy 35-40 kún baǵatyn bolady.
Salaǵa jaýaptylar búginde oblysta 2,5 millionǵa jýys qus ósiriledi dep otyr. Onyń 50 paiyzy jeke jáne qosalqy sharýashylyqtardyń enshisinde. Ońtústik óńiri óz-ózin qus etimen 70 paiyz, al jumyrtqamen 75 paiyz qamtýǵa qaýqarly eken. Sondyqtan birikken kásiporyndar aldynda qus sharýashylyǵyn damytyp, ónim kólemin arttyrý maqsaty tur.
Qus fermasyn salyp jatqan kásipkerler qural-jabdyqtar satyp alý úshin jáne ainalym qoryna (jem, shóp satyp alýǵa) qajetti qarjyny QR Úkimetiniń bekitken baǵdarlamalary aiasynda jeńildetilgen nesie alý arqyly iske asyrýda. Atap aitsaq, 14 kásipker tiisti qujattaryn «Yrys» MQU, «Ońtústik» AIO JShS arqyly ótkizip, qondyrǵylaryn «ǴOPRO» firmasynan «Lizing» boiynsha alady. Al 6 kásipker qondyrǵylaryn «QazQus-Batareiasy» JShS-nen alý úshin kelisim shart jasaýda.
