«Aýyl» partiiasynyń Ońtústik Qazaqstan oblystyq filialynda Elbasynyń «Bolashaqqa baǵdar: rýhani jańǵyrý» baǵdarlamalyq maqalasyn jastarǵa túsindirý baǵytynda kezdesý ótti.
Basqosýda «Qazaq jastary qandai bolý kerek?» degen másele de sóz boldy, dep habarlaidy QazAqparat tilshisi.
Kezdesýge aýdan-qalalardan jastar, «Intellekt» inkýbator qoǵamdyq qorynyń tóraǵasy men elimizge belgili bloger Nurlan Janai jáne Kitap klýbtarynyń úilestirýshisi Máýlen Janbolat qatysty.
Baǵdarlamalyq maqalada «Tabysty bolýdyń eń irgeli, basty faktory bilim ekenin árkim tereń túsinýi kerek. Jastarymyz basymdyq beretin mejelerdiń qatarynda bilim árdaiym birinshi orynda turýy shart. Sebebi, qundylyqtar júiesinde bilimdi bárinen biik qoiatyn ult qana tabysqa jetedi» degen bolatyn.
Osy baǵytta Nurlan Janai «Qazaq jastary qandai bolý kerek» atty taqyrypta oiyn bólisip, áleýmettik jelide qoldy bos ótkizbe kerektigin atap ótti. Elbasynyń bilimdi damytýdaǵy sózderimen kompiýterlik IT tehnologiiasyn joǵary dárejede meńgerip, tildi damytý, sonyń ishinde aǵylshyn tilin meńgerý qanshalyqty qajet ekenin jan-jaqty túsindirdi. Al, Máýlen Janbolat álemniń ozyq elderimen salystarǵanda bizdegi jastardyń kitap oqý paiyzynyń tómendigi men kitap oqýdyń jan-jaqty paidasyn aityp ótti.
Jiynda sondai-aq qazaq jastary táýelsizdiktiń qunyn jete túsinip, onyń ǵumyry uzaq bolýy úshin ultqa qaltqysyz qyzmet etý kerektigi sóz boldy. Spikerler osy baǵytta aianbai eńbek etý men qolda turǵan altynnyń qadirin bilip, babalar amanatyna qiianat jasamaý basty paryzymyz dep atap ótti.
